Man
Calegiade
Giosepin Oro
Ze
rivà la ora deradera
Le
grosse man le tremea
Ma
vegner via ocorea
Par
scriver questa stòria
Le
man saludea i parenti
Ma
nessuni sera contenti
Restà
tela nostra memória
Ciao
pupà, mama, ciao noni
Ciao
Itàlia, le man assenava
Ciao
a tuti, vegner via bisognava
Assar
la so gent, nessuni credea
La
terá amada tochea bandonar
E
enfrentar quarenta giorni de mar
Le làgreme, queste man le sughea
El
viao zera massa longo
La
malatia, un fiol la ga copa
E
rento el mar, le man lo gà butà
-
Coraio! Parche ndemo lontan
Ghe
volea èsser tanto forte
Che
anca se vegnea la morte
No
podea rabaltar queste man
Insieme
gavea poche cose
Solche quele che le man portea
Ma
zera sol quel chei gavea
Par
la vita in fameia rescomissiar
Ghe
volea ringrassiar el Signo
Man
tel peto, um gropo nel cuor
Savea
che no dea più par retornar
Cata
fora stà Mèrica, el Brasil
Pòpolo
strànio, lengoa difarente
Le
man saluda questa gente
E
riva la ora de le radize piantar
Terá
piena de mato serà el destino
Le
man se alsa denovo al Divino
Manco
adesso gò tera par laorar
Gue
volea far su um ranciéto
Le
man ciapa la foice e la manera
Le
piante casca zo in terá
E
fa su li, la prima caseta
Adesso
i gavea ndove star
Ma
ocorea ndar drio el magnar
Con le man, ciapa la bestioleta.
El
laoro zera grando
Le
man ga sentisto la difarensa
Nasse
el primo calo, passienssa
Sempri
stato grandi laoratori
Far
scàndole, el sogon tirar
Massa
e cugna, el borel sbregar
Man,
riposar, sol pi avanti!
E
cosita el tempo ga passa
Le
man sempre drio so afari
Impastea
pan, fea altri magnari
Spacava
legna par la cosina
Catava
pasto par le vache
Le
man ghe tirava el late
E
lavea el formaio in cantina
Zera
de meter le man tei cavei
De
tanto laoro che ghinera
Catar
su i ovi ntea caponera
Palpar
le galine sul punaro
Tel
orto piantar la ortalissa
Le
man tel baston buta via la bissa
Ciapa
na spinada de un limonaro
I toseti piande in cosina
Robe moie, gavea pissà in leto
Le
man i trata con tanto afeto
E
prepara el cafè par i tosatèi
Scoa
fora le sfrégole de pan
Vansa
qualcossa par i can
e
le sfregolete par i polastrèi.
-Vardé
de far polito toseti...
-Vao
fora copar un pelacol
Le
man ghe tira el col
Mete
sto gal te la àqua pelando
Co
le man va spenotarlo
Brusa
i penòti, và taiarlo
Scolta
i tosatèi ciamando
Core
suito in cosina
Cossa
ga contessesto
Incora
che ga fato presto
Zera
la legna tel soaio che brusea
Co le man ciapa la salera
buta
àqua sora a legna in tera
El
fogo romai se apaghea
I
susti sempre stai tanti
Ma
con quele man frugade
Che
adesso le ze calegiade
E
le ga laorà con tanto amor
Ga
sempre schivà le desgràssie
Ga
bio aiuto de le gràssie
Del
bambin, Nostro Signor
Ghe
toca ndar lavar robe
Mete
el lavel rento el rio
I
tosatèi toca star indrio
Le
man sfrega la roba
Indenociada
tei sassi
Ghe
fa mal anca i brassi
E
romai la resta mesa goba
Tol
su le robe e i toseti
Ze
ora de far la polenta
El
magnar che tanto sustenta
Le
man se mete a mescolar
Polenta
con tòcio de galina
Tuti
che speta in cosina
Ze
ora de ndar magnar
Le
man ga mai riposo
Limpa
a tola, lava i piati
Ghe
dà magnar ai gati
E
mete la àqua scaldar
E
ciama su el paron
Ze
ora del simaron
Dopo
tea rossa toca ndar
Beve
due cuie de mate
E
vá fenir due, trè laoreti
Su
robe longhe ai toseti
Tea
careta tuti ze postai
Saquaia
par tuti i cantoni
Robe
de perder i palmoni
Ma
te la rossa ze rivai
Le
man ciapa el seston
E
mete i i toseti rento
Un
sbar de milio ze el assento
Scomìssia
le prime sapade
Rampeghina
la porta fora
Sinò
piove, la vien su incora
Laoro
de le man calegiade.
Comentários
Postar um comentário